Viktoría Hermannsdóttir, blaðamaður á Fréttablaðinu, er gestur Hismisins að þessu sinni. Farið er yfir hvernig atburðarrás síðustu daga hefur einkennst af fréttaþynnku og tilfinningaríkum upprifjunarviðtölum við persónur og leikendur frá því í síðustu viku og ýmsum hugmyndum er velt upp um með hvaða hætti Bjarni og Sigurður Ingi gætu náð að slaka á.
Þá er farið yfir furðulega vikudvöl Sigmundar Davíðs í MR fimm árum eftir útskrift og einnig kynslóðarmuninn varðandi símanotkun þar sem yngri kynslóðin multitaskar í símanum allan daginn en sú eldri lítur á hverja aðgerð í síma sem sjálfstætt og afmarkað verkefni sem krefst fullrar einbeitingar.
↧